12 nëntor, 2017 – Duke ndjekur një traditë tashmë të rregullt presidenti i FFK-së Fadil Vokrri sonte shtroi darkë për krerët e Federatës së Futbollit të  Letonisë, të prirë nga sekretari i përgjithshëm z.Janis Mezheckis, drejtori sportiv z. Danis Kazakevçs dhe Shefi i Departamentit të Edukimit z. Juris Andrijevs. Nga ana tjetër presidenti Vokrri po shoqërohej nga  anëtari i KE, z. Agron Mustafa, sekretari i përgjithshëm z. Eroll Salihu dhe zv.sekretari z. Arianit Ahmeti. Presidenti Vokrri i njohu mysafirët për zhvillimin e futbollit si dhe rrugëtimin e FFK-së deri në pranimin në UEFA dhe FIFA. Falënderoj edhe Federatën e Futbollit të Letonisë që ka pranuar ta zhvillojmë këtë ndeshje miqësore në Kosovë me Kombëtaren tonë. Nga ana letoneze sekretari i i FF z. Mezheckis duke falënderuar presidentin Vokrri për mikpritje tha se edhe ne si federatë e kemi përkrahur pranimin e FFK-së në instancat ndërkombëtare dhe do të vazhdojmë bashkëpunimin në të gjitha fushat me interes të dyanshëm. Në fund të darkës u këmbyen dhurata.