02 tetor – Gjyqtarët e futbollit të Kosovës, të cilët tashmë kanë stemën e FIFA-s, gjithnjë e më shumë po angazhohen në ndeshjet dhe turne të ndryshëm për të ndarë drejtësinë. Kështu gjyqtari kryesor Besfort Kasumi bashkë me asistentin e tij Edmond Zeqiri, nesër udhëtojnë në Bullgari ku do të ndajnë drejtësinë në ndeshjet e mini turneut UEFA-Cup për rajonet për amatorë. Kjo garë është themeluar nga UEFA në vitin 1996. Dyshja Kasumi-Zeqiri do të qëndrojnë 9 ditë në këtë turne dhe do gjykojnë tri ndeshje, ku në dy sosh Besforti është kryesor dhe në ndeshjen e tretë si gjyqtarë i katërt.